milli insan resurslari formu

İnkişafın 5D-si nədir?

Posted on

Hands giving  okay sign5D nədir? Bizə hansı dəyərlər qata bilər? Gəlin birlikdə baxaq.

 Bu 5D ilə şəxsi və iş həyatımıza istiqamət verə, daha güclü ola və daha məntiqli ola bilərik.

Bəs bu 5D nədir? Bunlar sırası ilə aşağıdakı kimidir.

1.Birinci D-miz dürüstlükdür. Bir anlıq yazını oxumağı saxlayın və düşünün ətarınızdakı insanlarda ən çox görmək istədiyiniz xüsusiyyətin nə olmasını istəyərdiniz? Mən də elə düşünmüşdüm bunlardan biri bəlkə də birincisi dürüstlük bəli məhz DÜRÜSTLÜKDÜR. Dürüstlük nəinki bizim şəxsi həyatımızda eyni zamanda iş həyatımızda da ən sadiq yol yoldaşımız, ən böyük köməkçimiz olacaq. Ən əsası və ən çətini isə özümüzə qarşı dürüst olmağı bacarmaq lazımdır. Read the rest of this entry »

İş yerində psixoloji terror-romandan hissə

Posted on

mob-psicologia-mobbing-767x433Bu yazı üzərində İşlədiyim SİR romanından bir hissədir. Roman iş romanı formasında olacaq. Romanda İnsan Resursları ilə əlaqəli proseslər, müəssisədə baş verən hadisələr, işçilər arasındakı və rəhbərliklə işçilər arasındakı münasibətlər, problemlər və həlli yolları obrazların dili ilə ifadə edilir. Romanın demək olar 60%-i yəni 100 səhifəsi hazırdır. Qısa vaxt ərzində bitirməyə çalışacam. İş romanları bir çox ölkədə qələmə alınsa da bizdə indiyə qədər səhv etmirəmsə olmayıb. Keçən ay “Sənayenilənmə” iş romanı işıq üzü gördü. Bu arada onun da yazarı mənim kəndçimdir 🙂

-Qalx Qəhrəman iclasa gedirik, yuxarı rəhbərlik qarşısında bizim departamentin əvəzindən sən danışacaqsan. Keçən beşinci gün məndən ad istədilər mən də sənin adını verdim.

İndi başa düşürdüm gözlərindəki parıltının sirrini. Üstündən artıq beş gün keçib amma mənə bu barədə heç nə deməmişdi. Yəqin məni rəhbərliyin qarşısında sındırmaq, necə yarıtmaz işçi olduğumu göstərmək istəyirdi. Amma mən başqa şey istəyirdim. Elə indi qalxıb sifətinin düz ortasına yaxşıca bir yumruq vurub istefa ərizəmi də sifətinə çırpıb işdən ayrılmaq istəyirdim. Amma Sevilin dedikləri məni fikrimdən yayındırdı. Elə bil sifətim od tutub yanırdı. Özümdə güc tapmaq üşün masanın kənarından möhkəm-möhkəm yapışdım. Bilirdim ki, başqa çarəm qalmayıb. Gərək mən də elə çıxış edim ki, Səlim bəyin qurmaq istədiyi tələdən məharətlə öz xeyirimə istifadə edim.

-Yaxşı Səlim bəy gedək deyib əlimlə qapını göstərdim.

Qabaqda Səlim bəy arxada da mən beşinci mərtəbənin dəhlizi ilə iclas zalına tərəf gedirdik. Hələ də müdirimi yumruqlamaq, döymək istəyirdim. İçəri daxil olanda ayaqlarım əsdi.

Şirkətin demək olar bütün rəhbərliyi burda idi. Projektor qoşulmuşdu çıxışçılardan birinin slaydı artıq pərdədə əks olunmuşdu.

Allaaah mən batdım- dedim ürəyimdən, heç nəyə hazır deyiləm. Heç nə barədə danışacağım haqqında da bir fikrim yoxdur.

Yerimə əyləşəndə ürəyimdə danışırdım. Deyəsən halımı Sevil uzaqdan hiss etmişdi. Göz-gözə gəldik. Üzünə baxıb udqundum, amma alınmadı elə bil boğazıma düyün vurulmuşdu. Artıq o da hər şeyi başa düşmüşdü. Başını azacıq yana əydi sanki hal dili ilə- nə etmək olar yola ver-deyirdi. Elə də edəcəkdim. Nə olursa olsun Səlim bəyin əlinə kozur verməməli idim.

Elə bu an telefonumun mesaj səsi gəldi, açdım Sevildən gəlmişdi. Əlavədə link atmışdı. Diqqəti çəkmədən linki açdım. O qədər də böyük olmayan yazı idi. Özü də rəhbərlərlə bağlı idi. Allaaaah necə sevinirdim, necə sevinirdim az qala qol qanad açıb oynamaq istəyirdim. Bu qız mənim xilaskarımdır. Kim nə deyir desin bu adi qız deyil mələkdir. Sevincimdən özümü əməlli başlı itirmişdim.

Sizin üçün adi görünür, bir də özünüzü mənim yerimdə təsəvvür edin. Müdiriniz sizi incitmək üçün hər yola əl atır, hətta yuxarı rəhbərliyin qarşısında qələminizi qırmaq istəyir amma birdən sehirli bir mesaj sizi xilas edir. İndi bildiniz niyə bu qədər sevinirdim?

Hə unutmadan deyim, bayaq ürəyimdə Sevil haqqında düşündüklərimi də sən demə qeyri iradi mesaj yerinə yazıb Sevilə göndərmişəm. Təsəvvür edirsiniz? Bunu Sevildən gələn gülücük işarəli mesajdan sonra bildim. Amma özümü o yerə qoymadım. Bəlkə də bir daşla iki quş vurmuşdum.

Çıxış edənlər sıra ilə çıxıb danışırdılar. Hamısı da hiss olunurdu ki, əməlli başlı hazırlaşıblar. Arada gözüm Səlim bəy tərəfə qaçırdı. Necə də özündən əmin formada oturmuşdu.Kənardan torunu qurub ovunun düşəcəyindən əmin olan ovçu kimi görünürdü. Amma nafilə, mən ona ov olamayacam. Nə olur olsun mən işimi sevirəm və işimdə qalmalıyam.

Növbə Sevilə çatmışdı, hər zamanki kimi şux qaməti və özündən əmin addımlarla önə çıxdı. Baxışları ilə məni süzüb, başı ilə salondakıları ehtiramla salamlayıb ilk slaytı ekrana gətirdi.

Mövzu Motivasiyanı azaldan səbəblər idi. Axxx bu qız….

Not*

Psixoloji terrorun vasitələrindən biri də, rəhbərlik qarşısında sizi hazırlıqsız qoymaq, gözdən salmaqdır.

Yazı hələ redaktə olunmayıb, səhvləri görməzlikdən gəldiyiniz üçün təşəkkür edirəm.

İşçi seçiminə təsir edən faktorlar, önyargılar (BİAS affect)

Posted on

untitled-3İşə qəbul prosesi İnsan Resurslarının və dolayısı ilə şirkətin əsas qidalandırıcı damarıdır desək yanılmarıq. Burda verilən düzgün qərarlar, kəşf olunan yeni istedadlar, dürüst namizədlər şirkətin gələcək inkişafını daha da gücləndirəcəyini düşünə bilərik.

Amma təəssüflər olsun ki, burda da hər şeyin əla olduğunu deyə bilmirik. Çünki seçən və seçilmək istəyən tərəflər insanlardır və insan duyğu düşüncəsi ilə hərəkət edir. Düzgün verilməyən qərar, professionallıqdan uzaq yanaşmalar və qərəzli davranışlar çox vaxt gözlənilməz nəticələrə gətirib çıxarır.

İşə qəbul zamanı düzgün qərar verməyimizə təsir edən bir neçə səbəb var. Onları sırası ilə sizinlə paylaşacam.

1.Namizədin təsiri altında qalmaq. Şirkətinizin işçi seçimi mütəxəssisləri çox zaman fərqində olmadan görüşdükləri namizədin təsiri altına düşə bilirlər. Və bu tez-tez rastlanılan haldır. Namizədlə görüş qarşı tərəfin üzərində müsbət təsir buraxıb və əməkdaşınız digər namizədləri dəyərləndirərkən həmin namizədi əsas götürərək dəyərləndirir. Bu sadəcə işə qəbul prosesində deyil, istənilən dəyərləndirmə zamanı qarşılaşılan problemlərdəndir.

Read the rest of this entry »

İldə bir dəfə ələ düşən fürsət

Posted on

14022223_1055725077873964_3344713884900747018_nNeçə vaxtdır Milli İnsan Resursları Forumu haqqında yazmaq istəyirəm. Amma heç cürə başlaya bilmirdim. Adam işin içində olanda onun haqqında nə isə yazmaq çox çətin olur.

Sloqanımızdan əslində hər şey məlumdur “İnsana dəyər”. Əsas məqsədimiz hər iki forumda sadəcə səs-küy gətirmək deyil eyni zamanda faydalı olmaq olub və elədir. Bizim komandamız üçün keyfiyyət hər zaman kəmiyyətdən önəmlidir. Bunu ürək rahatlığı ilə deyə bilirəm çünki biz gənclər (bəzən bunlar uşaqdırlar, deyib bizim enerjimizə inanmayanlar olsa da) bütün gücümüzlə, istəyimizlə, enerjimizlə bu işi öz çiyinlərimizə götürmüşük yəqin ki, sizlərin də görüdüyünüz kimi hər şey qaydasındadır. Biletlər demək olar bitib, sözün əsl mənasında iki əlin barmaqlarını keçməyəcək qədər az qalıb. Bu əslində siz yüzlərlə insanın biz gənclərə inamı, etibarıdır. Bu spikerlərimizin gücüdür. Bu siz dəstəkçilərimizin, iştirak edəcək dostlarımızın verdiyi enerjidir. Read the rest of this entry »

İşçi məmnuniyyətinə Nobel mükafatı

Posted on

nobel-prize-ceremony-2048x1152

Nobel qardaşlarının nümayəndəsi qızarmış halda əlindəkini yerə qoyub dedi:

-Ağa Musanın etirazları yersizdir, biz heç vaxt deyilən işlərlə məşğul olmamışıq.

-Bəli olmusunuz dedi Musa. Siz bayram günlərinin siyahısını iş yerlərində asmağı öhdənizə götürməmisiniz? Maaşın iş vaxtında verilməsinə razı olmamısınız? Mən buna razı ola bilmərəm. Bunula mən ayda iki saat iş vaxtı itirməliyəm? Cənab qubernator diqqət versin necə yəni ezamiyyət pulu vermək? Bu nə deməkdir? Bu işçini qudurtmaqdır.

Mən xarici şirkətlərin siyasətini yaxşı başa düşürəm bizi batırmaq istəyirlər.

Read the rest of this entry »

Yuxlatmayan Forum

Posted on Updated on

10382179_898521530260987_2289883876477077627_nAzərbaycanda daha bir ilkə imza atıldı.  Ölkəmizdə ilk Milli İnsan Resursları Formu keçirildi. Mənim üçün sevindirici tərəflərdən biri o idi ki, mən özüm təşkilat komandasında yer alırdım. Bu mənə bir şeyi göstərdi ki, böyük işlər üçün böyük imkan sahibi olmaqdan ziyadə böyük ideallar, məqsədlər lazımdır. Etmək istəyirsən, çalışırsan çarpışırsan və olur.

Komandada bu işə daha çox enerji sərf edən dostlarımıza ayrıca bir təşəkkür edirəm öz adımdan.

İndiyə qədər çox seminarlarda, təlimlərdə, formlarda iştirak etmişəm. Tam səmimi deyirəm yeganə form oldu ki, yuxu basmadı, əsnəmədim 🙂

Yeganə form oldu ki, statistik məlumatlar deyil iş təcrübəsi paylaşıldı. Həm də dolu-dolu məlumatlar, həyat təcrübələrini paylaşdı  dəyərli spikerlərimiz.

#Mirf2015 haştagı ilə atılan tvitləri və öz müşaiətimi bir araya gətirib spikerlərimiz haqqında acizanə fikirlərimi paylaşmaq istəyirəm. Hamısı barədə yazmayacam. Yaxşıların arasında mənə görə ən yaxşı olanlardan yazacam bir neçə cümlə.

1.DJ Tural. Adam danışmağın ustasıdır. Çıxışı o qədər canlı idi ki, dinləyicini dinləməyə məcbur edirdi. Dünya təcrübəsindən paylaşdığı məlumatlar da öz yerində .

2.Elçin bəy. Çıxışını dinlədikcə dəqiqələrin asta keçməsi üçün az qala dua edəcəkdim J Elçin bəyin ən sonda real təklifi isə zənnimcə formun top nöqtələrindən biri idi. Maraqlıdır görən Elçin bəyə sonradan müraciət edən oldumu? Bunu da artıq özü cavablandırar 🙂

3.Namiq bəy. Dinlədiyim zaman türklər demiş “işte bu ” dedim. HR-ların ortaq dərdlərindən, problemlərindən danışması da yerində atılmış addım idi.

4.Xəqani bəyin məsələyə insani yanaşması forumda bir ilk idi. Hamını öncə gülümsədən fikir TR(tale resursları) sonradan bir növ şok effekti yaratdı.

5.Alruz bəyin sonda etdiyi gedişat isə bir çoxlarında duyğu seli yaratdı. Mən özüm isə mesajı göndərə bilmədim. Böyüdüyüm mühit təəssüf ki, kişi duyğusal olmazı öyrədib mənə. Amma ən qısa zamanda bu əngəli də qıracam.

Sadəcə bu qədər. Bir daha hamıya təşəkkür edirəm.