hr bloqqer

İnkişafın 5D-si nədir?

Posted on

Hands giving  okay sign5D nədir? Bizə hansı dəyərlər qata bilər? Gəlin birlikdə baxaq.

 Bu 5D ilə şəxsi və iş həyatımıza istiqamət verə, daha güclü ola və daha məntiqli ola bilərik.

Bəs bu 5D nədir? Bunlar sırası ilə aşağıdakı kimidir.

1.Birinci D-miz dürüstlükdür. Bir anlıq yazını oxumağı saxlayın və düşünün ətarınızdakı insanlarda ən çox görmək istədiyiniz xüsusiyyətin nə olmasını istəyərdiniz? Mən də elə düşünmüşdüm bunlardan biri bəlkə də birincisi dürüstlük bəli məhz DÜRÜSTLÜKDÜR. Dürüstlük nəinki bizim şəxsi həyatımızda eyni zamanda iş həyatımızda da ən sadiq yol yoldaşımız, ən böyük köməkçimiz olacaq. Ən əsası və ən çətini isə özümüzə qarşı dürüst olmağı bacarmaq lazımdır. Read the rest of this entry »

Advertisements

Şəxsi keyfiyyətsiz

Posted on Updated on

untitled-3Son zamanlar apardığım müşahidənin və çoxunuzun da qarşılaşdığı bir halı sizinlə paylaşmaq istəyirəm. Bu bir həqiqətdir ki, şəxsi keyfiyyətləri yüksək namizəd şirkət üçün ən qiymətli dəyərdir. Texniki keyfiyyətləri yüksək olub şəxsi keyfiyyətlərində prooblem olan namizədlər isə zənnimcə partlamağa hazır bomba kimidir. Hər an zərər verə bilər. Ancaq bu o demək deyil ki, texniki keyfiyyətləri vacib deyil. Əsas məsələ texniki keyfiyyətlərdəki çatışmazlıqları şəxsi keyfiyyətdəki çatışmazlıqlara nisbətən daha qısa zamanda yaxşılaşdırmaq mümküdür. Read the rest of this entry »

Niyə mən danışanda hamı əsnəyir?

Posted on Updated on

shutterstock_189835505Bu dəfə sizə HBR-in təqdimatlar kitabından (presentations) oxuyub vacib olduğunu düşündüyüm hissələri sizinlə paylaşacam. Bu məlumatları professional həyatınızda alıb tədbiq edə bilərsiniz. Ümid edirəm ki, faydalı olacaq.

Əsas amil

Təqdimatınızın nədən ibarət olmasından asılı olmayaraq əsas amil hədəfinizi dəqiq bilməyiniz, dinləyiciləri və özünüzü yaxşı tanımağınızdır.

Əsas sual “Buna görə təqdimat keçirməyə dəyərmi?”

 

Read the rest of this entry »

Azərbaycanın SWOT analizi

Posted on Updated on

swot-graphicAnaliz nə üçün vacibdir?

Etiraf edim ki, bu yazını yazmaq üçün çox az vaxt sərf elədim. Mənə də maraqlı idi görəsən güclü, zəif yönlərimiz hansılardır? Hansı təhlükə və imkanlar var?

Nəticədə belə bir tablo ortaya çıxdı. Əlavəsi, iradı, fikri olanlar fikirlərini paylaşa bilərlər.

Güclü tərəflərimiz (Strengths)

Sahib olduğu təbii resurslar

Ucuz əmək bazarı

Siyasi sabitlik

Zəif tərəflərimiz (Weaknesses)

İqtisadiyyatın neft, qaz təməlli olması

Stabil iqtisadi şəraitin olmaması

Valyuta kursunun dəyişkən olması

Həddən çox bürokratik əngəllər

Rüşvət

İqtisadiyyatın orqanik olmaması

Yerli istehsalatın zəifliyi

Fürsətlər (Opportunities)

Kənd təsərrüfatının inkişaf etdirilməsi imkanı

Heyvandarlığın inkiaşf etdirilməsi imkanı

Manatın məzənnəsinin aşağı düşməsi (investisiya gəlişinə səbəb ola bilər)

Əhalinin gənc olması

Əhalinin (bir hissəsinin) yüksək investisiya edə biləcək potensialı

Turizmə əlverişli relyef və tarix

Sənayenin inkişafı potensialı

Kadr ehtiyyatı

Təhlükələr (Threats)

Yerləşdiyi coğrafi məkan

Düzgün qurulmayan iqtisadi sistem

Yaşayış həddində balanssızlıq

Orta təbəqənin həddən az olması (sosial uçurum)

Kiçik və orta sahibkarlığın zəif olması

Köhnə ideoloji sistem

Müharibə vəziyyəti

Fürsətlərin dəyərləndirilməməsi

Qida və qeyri qida məhsullarında ixracatdan asılılıq

Təhsil sisteminin indiki vəziyyəti

Belə də İŞ olar?

Posted on

images

Bir şeyə etiraz etdiyimizdə verdiyimiz ən maraqlı reaksiyalarımızdan biridə budur-Belə də iş olar?

Birdə bunun İŞ tərəfi var ki, bu gün bir neçə cümlə ilə bunun haqqında yazacam.

Kariyerasına yeni başlayanlar, son kursda oxuyanlar, bəzən isə sadəcə etiraz etməyi həyatlarının mərkəzinə qoyanlar tez-tez irad tuturlar ki, vakansiya elan edilir baxırsan ki, icra edəcəyin iş ilə tələblər düzgün gəlmir.

Verilən maaşla tələb olunanlar heç uyğun deyil.” Otələblərə cavab versəydim indi niyə iş axtarım ki?” və ya “O maaşa niyə işləyim ki?” tipli etirazlar olur.

  1. Təəssüf ki, vakansiyaların mətinlərinin əksəriyyəti kopyala-yapşdırdır. Vakansiyanı yerəşdirəcək şəxs girir googledə vakansiyanın adını axtarışa verir, çıxan mətni iş elanı kimi kopyalayıb paylaşır. Bəziləri hətta vizəfəyə belə baxmadan edirlər ki, nəticədə rəhbər şəxs üçün olan tələbləri sıravi bir işçi üçün tələb kimi verirlər.
  2. Əgər siz adı qeyd olunan vakansiyaya uyğun olduğunuzu düşünürsünüzsə (tələblərinə baxmayın) CV-nizi göndərin, müraciət edin.
  3. Əgər siz vəd edilən maaşa uyğun namizədsinizsə yenə də müraciət edin. Onsuzda onların axtardıqları şərtlərdə qeyd olunan tələblərə cavab verən namizədlər deyil. Vəzifənin mahiyyətinə və verilən maaşa uyğun namizəd axtarılır.

Etiraz edib vaxt itirmək əvəzinə müraciət etsəniz işi almaq şansınız daha çox olacaq.

İş yerində psixoloji terror-romandan hissə

Posted on

mob-psicologia-mobbing-767x433Bu yazı üzərində İşlədiyim SİR romanından bir hissədir. Roman iş romanı formasında olacaq. Romanda İnsan Resursları ilə əlaqəli proseslər, müəssisədə baş verən hadisələr, işçilər arasındakı və rəhbərliklə işçilər arasındakı münasibətlər, problemlər və həlli yolları obrazların dili ilə ifadə edilir. Romanın demək olar 60%-i yəni 100 səhifəsi hazırdır. Qısa vaxt ərzində bitirməyə çalışacam. İş romanları bir çox ölkədə qələmə alınsa da bizdə indiyə qədər səhv etmirəmsə olmayıb. Keçən ay “Sənayenilənmə” iş romanı işıq üzü gördü. Bu arada onun da yazarı mənim kəndçimdir 🙂

-Qalx Qəhrəman iclasa gedirik, yuxarı rəhbərlik qarşısında bizim departamentin əvəzindən sən danışacaqsan. Keçən beşinci gün məndən ad istədilər mən də sənin adını verdim.

İndi başa düşürdüm gözlərindəki parıltının sirrini. Üstündən artıq beş gün keçib amma mənə bu barədə heç nə deməmişdi. Yəqin məni rəhbərliyin qarşısında sındırmaq, necə yarıtmaz işçi olduğumu göstərmək istəyirdi. Amma mən başqa şey istəyirdim. Elə indi qalxıb sifətinin düz ortasına yaxşıca bir yumruq vurub istefa ərizəmi də sifətinə çırpıb işdən ayrılmaq istəyirdim. Amma Sevilin dedikləri məni fikrimdən yayındırdı. Elə bil sifətim od tutub yanırdı. Özümdə güc tapmaq üşün masanın kənarından möhkəm-möhkəm yapışdım. Bilirdim ki, başqa çarəm qalmayıb. Gərək mən də elə çıxış edim ki, Səlim bəyin qurmaq istədiyi tələdən məharətlə öz xeyirimə istifadə edim.

-Yaxşı Səlim bəy gedək deyib əlimlə qapını göstərdim.

Qabaqda Səlim bəy arxada da mən beşinci mərtəbənin dəhlizi ilə iclas zalına tərəf gedirdik. Hələ də müdirimi yumruqlamaq, döymək istəyirdim. İçəri daxil olanda ayaqlarım əsdi.

Şirkətin demək olar bütün rəhbərliyi burda idi. Projektor qoşulmuşdu çıxışçılardan birinin slaydı artıq pərdədə əks olunmuşdu.

Allaaah mən batdım- dedim ürəyimdən, heç nəyə hazır deyiləm. Heç nə barədə danışacağım haqqında da bir fikrim yoxdur.

Yerimə əyləşəndə ürəyimdə danışırdım. Deyəsən halımı Sevil uzaqdan hiss etmişdi. Göz-gözə gəldik. Üzünə baxıb udqundum, amma alınmadı elə bil boğazıma düyün vurulmuşdu. Artıq o da hər şeyi başa düşmüşdü. Başını azacıq yana əydi sanki hal dili ilə- nə etmək olar yola ver-deyirdi. Elə də edəcəkdim. Nə olursa olsun Səlim bəyin əlinə kozur verməməli idim.

Elə bu an telefonumun mesaj səsi gəldi, açdım Sevildən gəlmişdi. Əlavədə link atmışdı. Diqqəti çəkmədən linki açdım. O qədər də böyük olmayan yazı idi. Özü də rəhbərlərlə bağlı idi. Allaaaah necə sevinirdim, necə sevinirdim az qala qol qanad açıb oynamaq istəyirdim. Bu qız mənim xilaskarımdır. Kim nə deyir desin bu adi qız deyil mələkdir. Sevincimdən özümü əməlli başlı itirmişdim.

Sizin üçün adi görünür, bir də özünüzü mənim yerimdə təsəvvür edin. Müdiriniz sizi incitmək üçün hər yola əl atır, hətta yuxarı rəhbərliyin qarşısında qələminizi qırmaq istəyir amma birdən sehirli bir mesaj sizi xilas edir. İndi bildiniz niyə bu qədər sevinirdim?

Hə unutmadan deyim, bayaq ürəyimdə Sevil haqqında düşündüklərimi də sən demə qeyri iradi mesaj yerinə yazıb Sevilə göndərmişəm. Təsəvvür edirsiniz? Bunu Sevildən gələn gülücük işarəli mesajdan sonra bildim. Amma özümü o yerə qoymadım. Bəlkə də bir daşla iki quş vurmuşdum.

Çıxış edənlər sıra ilə çıxıb danışırdılar. Hamısı da hiss olunurdu ki, əməlli başlı hazırlaşıblar. Arada gözüm Səlim bəy tərəfə qaçırdı. Necə də özündən əmin formada oturmuşdu.Kənardan torunu qurub ovunun düşəcəyindən əmin olan ovçu kimi görünürdü. Amma nafilə, mən ona ov olamayacam. Nə olur olsun mən işimi sevirəm və işimdə qalmalıyam.

Növbə Sevilə çatmışdı, hər zamanki kimi şux qaməti və özündən əmin addımlarla önə çıxdı. Baxışları ilə məni süzüb, başı ilə salondakıları ehtiramla salamlayıb ilk slaytı ekrana gətirdi.

Mövzu Motivasiyanı azaldan səbəblər idi. Axxx bu qız….

Not*

Psixoloji terrorun vasitələrindən biri də, rəhbərlik qarşısında sizi hazırlıqsız qoymaq, gözdən salmaqdır.

Yazı hələ redaktə olunmayıb, səhvləri görməzlikdən gəldiyiniz üçün təşəkkür edirəm.